Әгерҗе районына өч мәктәп автобусы бирелде
2017 елның 3 марты, җомга
Татарстан Республикасы Президенты Рөстәм Миңнеханов район башлыкларына яңа мәктәп автобуслары тапшырды.
Район башлыгы Валерий Макаров һәм район мәгариф идарәсе начальнигы Вәсилә Сафиуллина Президентыбыз кулыннан өч мәктәп автобусы ачкычы алдылар.
– Бу автобуслар Тирсә, Кичкетаң мәктәпләренә һәм мәгариф идарәсенә булачак, – дип хәбәр итте Вәсилә Гарәфетдиновна.
Тантанада, гомумән, федераль программа буенча 51 машина тапшырылды. Алар 26 районга юнәләчәк. Узган ел авыл укучылары өчен республикага 100дән артык мәктәп автобусы килгән иде.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз